Paul Urkijo zuzendari gasteiztarrak jaso du saria Niessen kulturgunean izandako sari banaketa ekitaldian. Horrekin eman zaio amaiera lau eguneko jaialdiari.
Atzo Niessenen egin zuten sari banaketa ekitaldia. 
Paul Urkijo zuzendari gasteiztarraren ‘Dar-dar’ film laburrak jaso du XXV. Errenteriako Film Laburren Jaialdiko Ion Arretxe Sari Nagusia. Hala jakinarazi zuten atzo, hilak 29, Niessen Kulturgunean izandako sari banaketa ekitaldian.
Hau eta baita gainontzeko 3 sarien berri ere, Leire Cano aurkezlearen ahotik jakin zuten bertaratutakoek. Hala, lau eguneko jaialdiari eman zitzaion amaiera. Honakoak izan ziren XXV. Film Laburren jaialdiko sarituak:
- Ion Arretxe Saria Nagusia: ‘Dar-dar’, Paul Urkijo
- Aipamen berezia: ‘Sarkan’, Martin Smatana
- Euskarazko Film Labur Onena: ‘Quebrantos’, Maria Elorza, Koldo Almandoz
- Publikoaren Saria: ‘Irten barrura’, Aitor Mendilibar, Ibon Goiko
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako.
