Bat gehiago, Legorbururentzat
Saririk sari dabil Iñigo Legorburu idazle errenteriarra, eta bat gehiago eskuratu berri du, bere bildumari batzeko: Eibarko San Andres Bertso paper lehiaketa.
Iñigo Legorburuk zortiz sari jaso ditu aurten. beste bi lortzeko aukera ere baduela dio. Saririk sari dabil Iñigo Legorburu idazle errenteriarra, eta bat gehiago eskuratu berri du, bere bildumari batzeko: Eibarko San Andres Bertso paper lehiaketa. Iaz ere irabazi zuen sariketa hori errenteriarrak. Xabier Leteri buruz idatzitako sorta batek eman dio garaipena Legorbururi, Lete 10 urtez zu gabe, kantari eta poeta oiartzuarraren Langile baten semea doinuan idatzitako zortzi bertsoren bidez. Leteren biografiari errepaso txikia egin dio bertso sortan, sortzaile oiartzuarrak euskal gizartean zer nolako garrantzia izan duen nabarmentzeko.
Egunerokotasun handia du Leteren figurak azken asteetan, ostiralean hamar urte beteko direlako hil zela. Horren harira, hainbat ekitaldi antolatu eta hainbat liburu ere argitaratu dira, “aukera aprobetxatu nahi nuen Lete, bizi dugun pandemia giro honekin uztartzeko, denok dakigulako zer osasun arazo izan zituen bere bizitza osoan zehar. Gaixotasunak presentzia izan zuen bere bizitzan, gure gizartean orain gertatzen ari den bezala”.
Bertso sorta, baikortasunetik idatzita dagoela esan du Legorburuk, “Letek euskal gizarteari eman diona asko da, izan kantuz, bertsotan, poesian edo hausnarketetan. Uste dut bere garaian ez zela behar beste baloratu eta orain, berandu bada ere, aitortza egiten hasi gatzaizkiola”.
Txapela eta 300 euro jaso ditu Legorburuk.
