COVID-19aren eremu gorritik atera da Errenteria-Orereta, eta Pasaia berriz ere sartu
Errenteria-Oreretako 100.000 biztanleko tasa 455ean kokatu da. Pasaiakoak, aldiz, 500eko langa gainditu du berriz ere.
Errenteria-Orereta COVID-19aren larrialdi maila gorenetik atera da. Hau da, 100.000 biztanleko tasa 500dik beherakoa da atzoko datuak kontuan izanik (bederatzi kutsatu gehiago). Pasaia, ordea, berriz ere egoera horretara itzuli da, hamahiru positibo atzeman zituztelako atzo. Lezon eta Oiartzunen bina kasu jaso ziren.
Atzo, Araba, Bizkai eta Gipuzkoan koronabirusa dutenak atzemateko 8.693 proba egin ziren (5.744 PCR, eta 2.949 antigenoenak). Horietatik 486k eman zuten positibo, %5,6k.
Jarraian, Oarsoaldeko herrien tasen taula:
- Errenteria-Orereta: 455,89 (igandean 508,21).
- Lezo: 376,93 (igandean 344,5).
- Oiartzun: 280,17 (igandean 260,84).
- Pasaia: 520,62 (igandean 478,73).
- Gipuzkoako tasa: 575,02.
Osasun Sailak txostenean eman ditu datu horiek gaur. Hori osotasunean ikusteko klik egin hemen.