Diru laguntzak emango dizkiete enpresei aurten kontratatutako langileengatik
3.000 eta 6.000 euroko laguntzak emango dizkiete Oarsoaldeko enpresei, gastuei aurre egiten laguntzeko eta eskualdeko 4.200 langabeen kontratazioa sustatzeko.
Lanbide-Euskal Enplegu Zerbitzuak diruz lagunduko ditu Oarsoaldeko enpresak, 2020. urtean zehar langileak kontratatu badituzte, eta Oarsoaldea Garapen Agentzia arduratuko da eskaerak kudeatzeaz.
Otsailetik urrira langabezia tasa %2,33an igo da; urri bukaeran 4.201 langabe zeuden Oarsoaldean (%11,53ko langabe tasa); horren aurrean, iniziatibaren helburua bikoitza da: alde batetik, enpresei laguntzea langileak kontratatzeko gastuei aurre egiten eta bestetik, enplegurako politika aktiboak indartu eta pertsona langabeen kontratazioa sustatzea.
Horren barne, emakumeen kontratazioa sustatzeko, kontratatutakoen %40a, gutxienez, emakumeak izango dira.
Betekizunak
- Diru laguntza jasotzeko kontratuak gutxienez hiru hilabetekoa izan behar du.
- 2020ko urtarrilaren 1etik abenduaren 31ra bitartean hasitako kontratuak finantzatuko dituzte.
Laguntzak
- Hiru hilabete edo gehiagoko iraupena duen kontratuen kasuan, lanaldi erdikoak direnean 1.500 euroko laguntza emango dute eta lanaldi osokoak direnean 3.000 euro.
- Sei hilabete edo gehiagoko iraupena duen kontratuen kasuan aldiz, 6.000 euro.
Edozein zalantza edo laguntza behar dutenek, Oarsoaldea Garapen Agentziarekin jar daitezke harremanetan, 943 51 02 00 telefonora deituz (astelehenetik ostiralera, 9:00etatik 14:00etara) edo e-postaz.
