Abian da merkatari eta ostalariak diruz laguntzeko bigarren deialdia
Onuradunek egunean egon behar dute Foru Ogasun, Gizarte Segurantza eta Pasaiako Udalean. Eskaerak hilaren 23ra arte aurkeztu ahalko dira.
Pasaiako ostalariek azaroan egindako elkarretaratzearen argazkia. 
Udalak bigarren deialdia martxan jarriko du merkataritzan eta ostalaritzan COVID-19ari aurre egiteko inbertsioei laguntza emateko, 28.250 euroko bideratuz honako honetan. Laguntzak hilaren 23ra arte eskatu ahalko dira.
Programaren helburua da lokalak eta lan egiteko moduak aldatzeko behar diren azterlanak, ekipamenduak eta inbertsioak diruz laguntzea; baita segurtasun eta osasun protokoloak bete ahal izateko ekipamendu inbertsioak ere.
Onuradunak
Laguntza jaso dezake norberaren kontura ari diren langile autonomoak edota merkataritzan eta ostalaritzan hamar langile baino gutxiago enplegatu, eta milioi bat euroko negoziotik behera izaki, honako baldintza hauek betetzen dituenak:
-
Jarduera Ekonomikoen gaineko Zergan alta emanda egon behar dute txikizkako merkataritza eta ostalaritzaren sektorean, eta jarduera Pasaian egin.
-
Egunean egon behar dute Foru Ogasun, Gizarte Segurantzaren Altxortegi Orokorrean eta Pasaiako Udalean.
-
Ez dute egon behar Diru Laguntzen Lege Orokorraren 13. artikuluaren 2 eta 3 puntuetan jasotzen diren debekuetan sartuta.
Eskariak egin daitezke Pasaiako Udalak joan den hilean eskatzaileei izapideak egiten laguntzeko martxan jarri zituen bulegoetan. Aurrez eska daiteke hitzordua edo bestela telefonoz: 943 49 41 29.
