Belaontzi txiki bat eraikitzeko familia tailerra egingo dute Albaolan
Faktoria zabalik egongo da zubian. Larunbaterako jarduera berezia prestatu dute helduek eta haurrek elkarrekin gozatzeko.
Larunbatean mini belaontzia eraikiko dute familiek Albaolan. 
Albaola Itsas Kultur Faktoria zabalik egongo da datorren zubi honetan (hilaren 6tik 8ra, hain zuzen) nahi duena bisitan joan dadin.
Larunbatean (hilak 5) jarduera berezia antolatu dute familientzat: 10:30ean, elkarrekin mini belaontzi bat eraikitzeko tailerra egingo dute. Itsasontzien zatiak ikasi eta piezak elkarlotu ondoren, barkua prest egongo da nabigatzeko.
Bertaratzea errazte aldera, Faktoriara iristeko doako itsasontzia hartu ahal izango dute Albaolara bisitan doazenek. Horretarako ere aurretik erreserba egitea ezinbestekoa izango da, telefonoz (943 39 24 26) edo posta elektronikoz.
