[Galeria] Hauts hartatik sortu dira idazle gazteak, eta saria dute
Xabier Lete prosa eta poesia lehiaketaren XXXIII. ekitaldiko sariak banatu dituzte gaur arratsaldean, Done Eztebe parrokian.
Sarituek eta epaimahaikideek elkarrekin atera dute argazkia. Orain dela bi urte erabaki zuten Oiartzungo Prosa eta Poesia Lehiaketa abenduaren 4ra mugitzea, Xabier Leteren heriotzaren datarekin bat egin zezan. Iaz jarri zioten Leteren izena, eta gaur, azken 33 urteetan egin den bezala, sariak banatu dituzte. Hori bai, gaurkoan elizan egin behar izan dute sari banaketa, pleno aretoak baino edukiera handiagoa duelako.
Prosan sei maila izan dira, eta poesian lau. Bina sari banatu dituzte kategoria bakoitzean, eta bi aipamen berezi ere egin dituzte. Horiek guztiak liburuxkan sartuko dituzte.
Leteren oroimena gogoan izan dute. Joxe Leon Amigorenak, Ane Badiolak eta Irati Odriozolak hainbat abesti kantatu dituzte. Leterenak, noski.
Saridunek beren lanak errezitatu ahala, Ane Narbartek ilustrazioak egin ditu. Ekitaldia bukatzean, saridun guztiek eraman ahal izan dute
Epaimahaikideak euskara, literatura eta hezkuntza arloarekin harremana duten herritarrak eta eragileak izan dira: Pello Añorga; Sohalge Arbelaitz; Imanol Irigoien; Intxixu AEK euskaltegia; Goiatz Labandibar; Olatz Mitxelena; Aingeru Palomo; Marijo Telletxea eta Ttur-Ttur Euskaltzaleon Bilgunea.
Edukiera mugatua izan denez, ekitaldia grabatu eta herriko ikastetxeetako sare sozialen zein webguneen bidez partekatuko dute, nahi duenak ikus dezan.
Prosa
- 1. saila: Mikel Castro Lizaso eta Jare Ziaurritz Olaziregi.
- 2. saila: Aitor Agirre Gonzalez eta Garoa Korta Guerra.
- 3. saila: Ane Etxebeste Eizagirre eta Aiora Zaldua Elizetxea.
- 4. saila: Iraia Zapirain Olasagasti eta Dana-Hua Elizetxea Castiñeyra. Aipamen berezia: Ilargi Ziaurritz Olaziregi.
- 5. saila: Unax Landa de Marcos eta Martina Zabalo Arranz.
- 6. saila: Malen Frantsesena Arnaiz eta Malen Elizasu Manterola.
Poesia
- 3. saila: Eñaut Iturain Ugartemendia eta Ane Elizetxea Garcia.
- 4. saila: Maddi Iradi Beloki eta Markel Vargas Garcia. Aipamen berezia: Iruri Etxebeste Esnaola.
- 5. saila: Mattin Etxebeste Sanzberro eta Ane Garmendia Irastorza.
- 6. saila: Malen Elizasu Manterola eta Alazne Elgarresta Isasa.
