VII. Orribakar literatur lehiaketak baditu aurtengo irabazleak
Denera hamar izan dira sarituak, guztiak sei eta hamabost urte bitartekoak. Horietako bakoitzak liburuak erosteko 100 euroko txartel bana jasoko du.
Parte hartzaileek edozein genero literarioko lanak aurkeztu behar izan dituzte. 
Lezoko Udal Liburutegiak Orribakar literatur lehiaketaren zazpigarren edizioa antolatu du herriko 6 eta 15 urte bitarteko haurrentzat. Parte hartzaileek edozein genero literarioko lanak aurkeztu behar izan dituzte, betiere orrialde bakar batean idatzita eta euskaraz.
Aurten, osasun krisialdia medio, ez da sari banaketa ekitaldirik egingo, baina saridunek liburuak erosteko 100 euroko txartel bana jaso ahal izango dute udal liburutegian.
Honakoak izan dira kategoria bakoitzeko irabazleak:
- (6-7 urte) Aketi Arrastua Susperregi: ‘Joxe eta behia’.
- (8-9 urte): Ane Askasibar Lopetegi: ‘Perretxiko magikoak’.
- (8-9 urte): Uxuri Urkizu Salaberria: ‘Pultsera magikoa’.
- (10-11 urte): Hegoa Illarreta Beñaran: ‘Afrikako hodeiak’.
- (10-11 urte): Jimena Olmos Altube: ‘Bakarrik’.
- (12-13 urte): Ibon Arribas Alvarez de Eulate: ‘Margolaria’.
- (12-13 urte): Aitana Huici Moran: ‘Mundua salbatu zuten haziak’.
- (12-13 urte) Ane Jaunarena Cereijo: ‘Bizi ala iraun’.
- (14-15 urte): Naroa Jimenez Mouriño: ‘Ez gara mutu geratuko’.
- (14-15 urte): Naia Malmierca Silvan: ‘Haizeak eramaten nauen tokira’.
