'Gutiziak' iruzkindu eta elkarri liburu bat oparituko diote Irakurketa Taldean
Oiartzungo Irakurketa Taldeak urteko azkeneko saioa egingo du gaur arratsaldean. Sormen kolektibotik ateratako liburua komentatuko dute.
Oiartzungo Irakurketa Taldeak gaur izango du urteko azkeneko saioa. Manuel Lekuona Bibliotekan elkartuko dira, 20:00etan.
Gutiziak liburuaren (Txalaparta, 2000) iruzkina egingo dute. Euskal Herriko hogei emakumeren artean egindako liburua da, eta herenegun irakurraldi jarraitua egin zuten, Hitzen Lihoa zikloaren barruan (beraien Facebookekoa da albistea ilustratzeko argazkia).
Hortxe ohiko jardunaren beste atal bat. Gutiziak komentatzeaz gain, Liburu Ezkutua egingo dute, Gabonak hurbilen dituen saioa izanik.
Gaurkoa urteko azkeneko saioa izango da, baina ez ikasturtekoa: urtarrilerako Zerbitzuko lanean. Lete kazetari, Lete prosagile (Elixabete Perez Gaztelu eta Haizea Saez de Egilaz) irakurri behar dute. Xabier Leteren prosagile jarduna aztertzen du Mugarri bilduma aurtengo zenbakiak.