2021eko Pasaiako Jabetze Eskola: Jan sano, sortu eta zaindu zure burua
Neguko eta udaberriko Jabetze Eskolaren eskaintzak elikadura, sormena eta zaintza emozionala ditu ardatz. Ikastaroak Antxon eta Trintxerpen izango dira.
Abian da Jabetze Eskolako ikastaro berrietan izena emateko epea, urtarrilaren 13ra arte. Jarduera berriez gain, urte osoko taldeetan ere parte har daiteke, besteak beste: Jatorri askotariko emakumeen taldea, Indarkeriarik gabeko espazioa, Autolaguntza Taldea eta Ongi zaintzen eta maitatzen ikasteko taldea. Horietan guztietan izena eman daiteke esteka honen bitartez.
Honakoa da 2021eko neguko eta udaberriko eskaintza:
- Jan sano eta bizi pozik. Gure gorputza zaintzeko eta sistema immunea osasuntsu mantentzeko, elikadura praktika osasuntsuak partekatuko dira, besteak beste.
- Urtarrilaren 27tik eta martxoaren 24ra arte.
- Antxoko Kultur Etxean.
- Asteazkenetan, 18:00etan.
- Nekane Tomasena Elorza eta Tatiana Arzelus Makazagaren eskutik.
- Sormen ikastaroa. Askotariko teknikak (akuarela, arkatza, akrilikoak…) erabilita, dinamika eta jolasen bidez, askatasunetik, esperimentatzeko eta gozatzeko espazioa.
- Urtarrilaren 18tik martxoak 8ra bitarte.
- Trintxerpeko Alkateordetzan.
- Astelehenetan, 17:00etatik 18:30era.
- Izaro Mariezkurrena Etxaberen eskutik.
- Zaintza emozionala eta osasun espazioa. Maila emozionala eta psikologikoa elkarrekin erregulatzeko gunea; autogestiorako baliabideak eskuratzekoa, eta krisia eta doluak garatzeko gakoak.
- Urtarrilak 18tik martxoak 22ra.
- Trintxerpeko Alkateordetzan.
- Astelehenetan, 15:00etatik 16:30era.
- Pepa Bojó Ballesteren eskutik. (Lehentasuna izango dute orain arte Bojórekin ikastarorik egin ez dutenek).
