Aizkolari Gazteen II. Xanisteban Saria ikusteko aukerarik ez da egongo
Larunbatean egitekoak ziren Aizkolari Gazteen II. Xanisteban Saria. Kirolari profesional edo semiprofesionalak ez direnez, ezin da egin.
Hodei Ezpeleta lehenengo txapelketan, lan erdietan.
Oiartzungo Herrikirolzaleek antolatuta, aizkolari gazteen II. Xanisteban Saria egitekoak ziren datorren larunbatean, hilak 19. Bertan behera utzi behar izan dutela jakinarazi dute antolatzaileek, kirolariak ez direlako profesionalak edo semiprofesionalak. Covid-19aren araudiak ez ditu afizionatuen arteko lehiaketak baimentzen. Normala den bezala, oraingoz ez dute zehaztu noiz egingo duten bigarren ekitaldia.
Lehenengo ekitaldia 2020 honetan bertan egin zuten, urtarrilaren 4an. Bost aizkolarik parte hartu zuten, eta Hodei Ezpeleta eibartarra izan zen denetan azkarrena. Unai Zabala, Xuban Kañamares, Axel Larrañaga eta Markel Zapirain izan ziren beste lauak.
Lehiaketaren ondoren, desafioa egin zuten Iker Vicentek eta Irati Astondoak Beheko Plazan.
