Pandemiak ez du zapuztuko Tripontzian jokatzeko bidea
Gure Esku eta kulturgintza laguntzeko loteria jokoa egongo da aurten. Txartelak erosteko telefono bat jarri dute, eta esteka bat.
Gure Eskuk urtero ateratzen du Tripontzia izeneko loteria jokoa. Erabakitzeko eskubidearen aldeko elkartearen egitasmoak laguntzeaz gain, euskal kulturgintza artikulatuko duen proiektu batera bideratuko dira etekinak.
Pandemiaren eraginez, saltzeko ohiko moduak aldatu dira, halabeharrez. Oiartzungo Gure Eskuk telefono zenbaki baten berri eman du, hara deitu eta txartelak gordetzeko. Telefono honetara deitu behar da: 665 72 64 66.
Esteka honetan klik eginda agertuko den pdf-an online eros daitezke. Horretarako hontzaren irudian zapaldu beharko da. Txartel bakoitzak bost euroko prezioa izango du, eta zenbaki osoak 40 euro balioko du. Zortzi serie izango ditu zenbaki bakoitzak: euskal lurraldeetako zazpiak eta diasporarena.
Bi zenbaki saridun egongo dira, eta 52.000 euro jokoan. Horrela banatuko dira:
- 30.000 euroko sari nagusi bat. Zenbakia eta seriea egokitzen zaion txartelari.
- 2.000 euro zenbaki bereko gainontzeko 7 serieen txartel bakoitzari.
- 1.000 euro bigarren zenbaki bateko serie bakoitzari.
Zozketa notario aurrean egingo dute datorren urteko urtarrilaren 21ean. Propio sortutako programa informatikoa erabiliko dute.
