"Eta Gabonetan, zer?" galderaren erantzuna dute Abaraxkan
Abaraxka Ibiltariak jarduera haurrentzako jarduera sorta antolatu du opor egunetarako, datorren larunbatean bertan hasita.
Abaraxka Ibiltariak hainbat jarduera antolatu ditu Gabonetarako. Jai egun ez diren daten aisia betetzeko proposamenak egin dituzte, 6 eta 12 urte arteko haurrentzako. Dohainik izango dira ekitaldi guztiak.
Jarduera guztiak Abaraxka ludotekan izango dira, 16:30etik aurrera. Salbuespen bat egongo da: hilaren 26ko kontzertu pedagogikoa San Esteban elizan egingo dute, 17:00etan hasita.
Covid-19aren ondorioz hartu beharreko segurtasun neurriak direla eta, parte hartzaileen kopurua mugatua izango da. Horregatik, aldez aurretik asistentzia baieztatu egin beharko da, 645 00 54 96 telefonora Whatsapp bidez idatzita. Eguraldiaren araberako aldaketak egon daitezkeela ohartarazi dute.
Egitaraua
- Hilak 19, larunbata: Argazki bidezko pista-jolasa.
- Hilak 22, asteartea: Mendi-buelta.
- Hilak 23, asteazkena: Kamisetak sortzen (kamisetak norberak eraman behar ditu etxetik).
- Hilak 26, larunbata: Kontzertu didaktikoa: alboka.
- Hilak 28, astelehena: Oreka jolasak.
- Hilak 29, asteartea: Berrerabilpen tailerra.
- Hilak 30, asteazkena: Zirkuitu jolasak.
- Urtarrilak 4, astelehena: Zientzia tailerra.
- Urtarrilak 5, asteartea: Zentzumen jolasak.
