[Bideoa] Olentzero eta Mari Domingik mezua dute oiartzuarrentzat
Eskutitzak azken momentura arte jasoko dituztela jakinarazi dute, baina ez plazan bertan. Opariak egongo direla ziurtatu dute.
Pandemia arlo guztietan nabaritu da, baita abenduaren 24an Euskal Herriko magiaz betetzen duten Olentzero eta Mari Domingirengan ere.
Pello Añorga haien bila joan da, mendira, eta mezu batekin bueltatu: aurten ezin izango dutela plazan harrerarik eta ospakizunik egin. Opariena, hori bai, antolatuta dutela ziurtatu dute. Ikastetxeetako eskutitzak jaso eta irakurri dituzte; oraindik bidali ez dutenek bibliotekan aurki dezakete postontzia.
Horrez gain, bertara hurbildu ezin diren haurrentzako e-posta helbidea martxan jarri dutela gogorarazi dute.
Eta beste eskaera bat egin diete haurrei: 00:00etarako ohean egon daitezen, eta azenario koxkor bat eta kafesnea utz dezaten, beraientzako zein astoarentzako.
Beraz, lasai egon daitezela Oiartzungo haurrak, opariak edukiko dituztela… ongi portatu badira.
