Oiartzunek ezin izan du Karla Lekuonan liderra azpiratu
Oiartzuarrak hobeto jokatzen hasi dira, baina sareetako biderik aurkitu gabe. Ebakuntza jasan behar izan duten hiru jokalariei animoak eman dizkiete.
Taldekideentzako animo mezudun kamisetarekin atera ziren.
Emakumeen Lehen Nazional Mailako liderrak Karla Lekuona futbol zelaia bisitatu zuen larunbatean. Reala ordura arteko sei jardunaldietan nagusitu zen, gol bakarra jasota, eta oiartzuarrek ez zuten partida erraza. Hala ere, aurpegia emanez atera ziren futbol zelaira.
Aukerak sortu zituzten oiartzuarrek, baina ezin izan zuten Donostiako taldearen atea zulatu. Txuriurdinak harrotu egin ziren, eta pixkanaka lotsagabetu egin ziren. Partidan lortu zituzten bi golak atsedenaldira joan aurretik eskuratu zituzten. 0-2koarekin joan ziren aldageletara.
Antzeko bidetik joan zen bigarren zatia, baina oraingoan oiartzuarrek bai zutela gola sartzea, Maria Granadoren bitartez. Bakarra izan zen, eta ez nahikoa.
Partidaren aurretik, Oiartzungo jokalariek kamiseta jantzi zuten, ebakuntza gelatik pasatu behar izan duten hiru taldekideei animoak emateko: Leire Manterola, Naroa Susperregi eta Malen Moran.
Bigarren taldeak, egurra
Euskal Ligako taldeak Barakaldoko La Siebe futbol zelaian jokatu zuen atzo eguerdian. Garaipen erosoa lortu zuten sailkapeneko azkeneko taldearen kontra. 1-5 nagusitu ziren, Olatz Larrañaga, Jone Olasagasti eta Rebecca Dianaren hat trick-arekin.
