Euskal presoen alde elkartuko dira larunbatean pasaitarrak
Euskal Preso, iheslari eta deportatuen eskubideak berrezartzeko bidearekin bat egiteko mobilizazioak deitu ditu Sare Herritarrak 200 leku baino gehiagotan.
Elkarretaratzeak deitu Sare Herritarrak 200 herri eta auzo baino gehiagotan datorren larunbaterako, ‘Etxerako, elkarbizitzarako eta bakerako bidea gara’ lemapean.
Izan Bidea dinamikaren baitan, euskal preso, iheslari eta deportatuen eskubideen alde hiru kontzentrazio izango dira Pasaian, horiek guztiak hilaren 9an, 17:30ean, honako leku hauetan: Antxoko Gure Zumardian, Trintxerpeko Gernika Plazan eta Donibaneko Meipi auzoan.
Bilkuretan bi aldarri nagusi gailenduko dira: Urruntze politikarekin amaitzea eta euskal presoei sistematikoki ukatu izan zaien eta etxerako bidea ahalbidetzeko beharrezkoa den gradu progresioa ezartzearen eskakizuna -oraindik 107 dira lehen graduan jarraitzen duten presoak, eskubide ugari murrizten zaizkielarik-.
