Habian! hazitegiko diseinatzaileek hartuko dute Jantziaren Zentroa
Saioa Matxain, Anne Gajate eta Ruben Pantinga ehungintza sortzaileen uztak jantziko du bihartik Jantziaren Zentroaren beheko solairua.
Erakusketaren irudi batr. Argazkia: Jantziaren Zentroa. Saioa Matxain, Anne Gajate eta Ruben Pantinga ehungintza sortzaileen uztak jantziko du bihartik Jantziaren Zentroaren beheko solairua. Habian! hazitegiko egoiliarrak dira hirurak, eta euren lanekin erakusketa osatu dute.
Egunsentia: Torrekuatik diseinatzen erakusketan hiruren lanak batu dituzte, eta Idoia Lizeaga bitxi diseinatzaile, eta lore maistrak kolaboratzaile gisa hartuko du parte.
Diseinatzaile bakoitzak bere proposamena eramango du erakusketa horretara. Sai Suo marka sortua du Matxainek, eta erakusketan Ortzimuga bilduma erakutsiko du. Iraganera begira jarri da Matxain, XIX mende amaierako langileen jantzitan oinarrituta, pintore inpresionistak inspirazio iturri hartuta.
Ane Gago izenaren atzean Anne Gajate dago. Kalitatezko ehunak, diseinu zaindu, dotore eta modernoak, guztiak eskuz brodatuak. Bere lehen bilduma erakutsiko du Jantziaren Zentroan, aurtengo udaberri udararako sortutako proposamena.
Pantiga asturiarra da eta modako argazkilaritzan hasi zuen ibilbide profesionala. Iraunkortasunaren defendatzaile sutsua, gizarteak egun duen kontsumitzeko moduaren pentsamendu kritikoa sustatu nahi du. #KosturaKamikaze kontsumo gizartearen gogoeta postapokaliptikoak izeneko proposamena aurkeztuko du.
Erakusketa doan bisita daiteke bihartik otsailaren 28ra arte, larunbatetan 11:00etatik 14:00etara eta 17:00etatik 20:00etara, eta igandetan 12:00etatik 14:00etara.
