'Tomiris' antzezlana igandean emango dute
Martxoan taularatuko zuten, baina pandemiak atzeratu egin zuen. Indarkeria matxistari buruzko bakarrizketa da Atx! Teatroarena lana.
Oiartzungo Antzerkizaleek antolatuta, Tomiris antzezlana jokatuko dute datorren igandean, hilak 17. Atx! Teatroa taldearen lana 19:00etatik aurrera ikus daiteke, bost euroren truke, udaletxeko pleno aretoan. Sarrerak bihar (asteartea) jarriko dituzte salgai, txokolategian.
Indarkeria matxista ardatz duen bakarrizketa da, zilegizko mendekuari buruzkoa. Errealitatea eta fikzioa uztartzen ditu. “Gordin bezain sentsuala, erreal bezain fantastikoa, zorrotz bezain zolia” gisa definitzen dute. Berez martxoan eskaini behar zuten antzezlana, baina pandemiaren etorrerak atzeratu zuen.
Honakoa da Oiartzungo Antzerkizaleen Elkartearen urteko programazioa:
- Otsailak 21: Lurrun minez.
- Martxoak 14: Gaizka Chamizo eta Mikel Martinez (Goiatz Labandibarren lan bat jokatzen): Salaketa. Goitibera antzerki konpainia: Amatxik dixit.
- Apirilak 18: Orratx antzerki taldea: Bernardaren Albaren bost alabak.
- Maiatzean: Txinalkaren antzezlana.
- Ekainean: Oiartzungo antzerki ikasle gazteen emanaldia.
