Hitzekin jositako elkartasuna

Tabernetan postalak eta postontziak jarri ditu gazte asanbladak, herritarrek euskal presoei idatz diezaieten.

Postontzietako bat Errenteria-Oreretako taberna bateko barran. Argazkia: Oreretako Gazte Asanblada.

Sare sozialen aroan, ez dira asko izango oraindik ere gutunak idazten dituztenak. Ariketa hori proposatu du Oreretako Gazte Asanbladak; paper zuriaren aurrean jarri eta hitzekin betetzea, egunerokoa kontatzea, herrian aldatu diren gauzen gaineko kontaketa egitea… bakoitzak nahi duena bildu dezake orrialde txuri horretara, denak balio du. Hartzaileak, euskal presoak. Iniziatibaren helburua hori baita, herriko presoei gutunak bidaltzea, haiekin partekatzea Errenteria-Oreretaren egunerokoa.

Horretarako postontziak jarri dituzte herriko tabernetan, baita postalak ere, eta herritar guztiak deitu dituzte parte hartzera eta presoei idaztera: “Ziur idatzitakoak jasotzerakoan, izugarri poztuko direla”.

 

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.