Tripontziaren zozketarako zortea banatzen arituko dira bihar, plazan
Gure Eskuk antolatzen duen loteriaren zozketa eguna astelehenean izango da. Bihar txartelak salduko dituzte plazan, eta Internet bidez ere eros daitezke.
Gure Eskuk Tripontzia loteria antolatzen du. Datorren astelehenean, hilak 18, egingo dute zozketa. Oraindik txartelik eskuratu ez duenak —edo gehiago nahi dituenak— bihar izango du horretarako aukera.
Oiartzungo Gure Eskuko kideak plazan egongo dira txartelak saltzen. 11:30etik 13:30era egongo dira bertan.
Herriko beste hainbat txokotan ere aurki daitezke txartelak: Urrats paperdendan; Esnoiz jatetxean; eta Tolaita, Kastro, Miren eta Ttantta tabernetan.
Internet bidez ere eros daitezke Tripontziaren txartelak. E-posta bidez eska daitezke, edo Gure Eskuren denda birtualean bertan.
Bi zenbaki saridun egongo dira, eta 52.000 euro jokoan. Horrela banatuko dira:
- 30.000 euroko sari nagusi bat. Zenbakia eta seriea egokitzen zaion txartelari.
- 2.000 euro zenbaki bereko gainontzeko 7 serieen txartel bakoitzari.
- 1.000 euro bigarren zenbaki bateko serie bakoitzari.
