ELA, SATSE, LAB, CCOO, UGT eta ESK sindikatuek elkarretaratzera deitu dituzte Osakidetzako langile guztiak. Osasungintza publiko duina defendatuko dute.
Osakidetzako zentro guztietan greba egingo dute datorren ostegunean. Argazkia: LAB Osakidetza. 
Osakidetzako sindikatuek, ELA, SATSE, LAB, CCOO, UGT eta ESK, langileei dei egin diete datorren ostegunean -hilak 28- Osakidetzako zentro guztietan deitutako grebara irten daitezen. Osakidetzari leporatu diote “agintekeriaz” jokatzea eta negoziatzeko borondaterik ez izatea.
Sindikatuek honakoa galdegingo dute osteguneko protesten bitartez:
- Osasun publikoan inbertsio handiagoa; aurrekontuetan osasun publikorako diru sail bat esleitzea.
- Egiturazko langileen zerrenda handitu eta behin-behinekotasuna amaitzea.
- Pribatizatutako zerbitzuak berriro publiko bihurtzea.
- Lan baldintzak arautzeko akordio berri bat, eta hor urte hauetan zehar ezarritako murrizketak lehengoratzea.
