Sarriegi plazaren berrurbanizazioa lizitaziora atera du udalak
Lanak egiteko miloi erdi euro inbertituko du udalak. Irisgarritasuna hobetuko du,lorategi eremuak zabaldu, eta puntu ilunak ezabatu, besteak beste.
Sarriegi plaza berrurbanizatzeko 500.000 euroko inbertsioa egingo du udalak. Herritarrentzat hiri eremu gozagarriagoa bihurtu bahi du udalak Beraungo Sarriegi plaza eta horretarako, mila euro erdiko inbertsioa egingo du eremu hori berrurbanitzatzeko. Lan horiek lizitaziora atera berri ditu, eta bihartik kontsultatu ahalko dira udalaren web orrian kontratazio baldintzak.
Irisgarritasuna hobetzeko oztopo arkitektonikoak ezabatu, lorategi eremuak zabaldu, puntu ilunak ezabatu, eta hiri altzariak, jokoak barne, modernizatu eta berriak txertatuko ditu, besteak beste.
Proiektua gauzatzeak, gainera, Isidro Ansorenako garajeen eraikina konpontzea ahalbidetuko du gainera. Lehen fasean, inguruan dauden altzariak eta landaretza kenduko ditu udalak, eta ondoren, garajeetako erabiltzaileek egungo urbanizazioa eraitsiko dute eta garajeko estalkia iragazgaituko dute. Ondoren, urbanizazio berriko obrak egingo ditu udalak. Fase hori amaituta, altzariak eta jokoak jarriko ditu udalak.
Lanak egiteko lau hilabeteko epea aurreikusi du udalak.
COVID-19aren pandemiaren testuinguruan hiriguneetako espazio publikoak hobetzea bizkortu den erronketako bat izan da udalaren esanetan, “horregatik udalak apustu irmoa egin du espazio horiek biziberritzea dakarten esku hartzeen alde, epe luzerako erantzuna emanez”.
