[Galeria] Jolastokiko eraldaketa plazara eraman dute
'Transpatioa' dinamikaren barruan, Elizalde Herri Eskolak erakusketa jarri kontzejupean. 'Transpataka' pieza ere jo dute.
Elizalde Herri Eskolako komunitateak Transpatioa proiektuaren lehen faseari ginga jartzen ari zaio gaur. 10:30etik aurrera, ikastetxeko jolastokiko eraldaketa prozezesuaren berri ematen duen erakusketa jarri dute kontzejupean.
15:15 inguruan, Lehen Hezkuntzako bosgarren mailako ikasleek Transpatanka pieza jo dute banbuzko kanaberekin. Oreka TX taldeko Arkaitz Martinez de San Vicenterekin batera sortutako kanta da.
Kanaberen luzeraren arabera nota bat edo beste ateratzen du. Taldeka banatu dira, eta bakoitza nota bat jotzearen arduradun zen. Horrez gain, abestia ere kantatu dute jotzen ari ziren bitartean (argazki galerian irakur daiteke letra).
Transpatioa guraso eta irakasle batzuen kezkatik sortutako proiektua da, jolastokiko espazioaren erabilera eta harremanetan oinarritutakoa. Tabakalerako Aldiriak proiektura aurkeztu zuten, eta haien laguntza jasotzen dute aurrera eramateko. Elizaldeko jolastokian edukiontzi bat dute, jolasean aritzeko hainbat material neutrorekin.
Lehen fasea bukatuta, aurrera begira jarriko dira, egin daitezkeenak aztertzeko.
