Beheko Plazako labadero atzetik pasabide segurua egingo dute
Irisgarritasun arazoak eta haurrentzako karroak mugitzen dituztenek eskaileren oztopoa dute. Arazo horiei irtenbidea eman nahi die udalak.
Pare bat aste egongo dira ingurua hobetzen.
Beheko Plazako labaderoan obrak egiten hasi dira. Oinezkoentzako pasabide seguru eta irisgarria egin nahi du Oiartzungo Udalak, labaderoaren atzetik.
Obrak hasi baino lehenagora arte, hortik pasatu nahi zuenak eskailerak igo edo jaitsi behar zituen. Bestela, errepidetik pasatu behar zen. Irisgarritasun arazoak dituztenei edo haurrentzako karroekin pasatu behar dutenei pasabide segurua eskaintzen diete.
Eremua eraberritzearekin batera arazo horiek konponduko direla adierazi du Oiartzungo Udalak.
Guztira, 15.935 euro inbertituko dituzte lan horietan, eta pare bat astetan bukatuko direla iragarri dute.
