2020ko otsailean baino 34 langabe gehiago daude Oiartzunen
Herriko langabezia tasa %7,4koa da, iazko otsailekoa %6,8koa zen bitartean. Lanik gabe daudenen artean gehienak emakumeak dira, 207 guztira.
Lanbidek jasota dituen datuen arabera, 2020ko abenduaren 31ko datarekin 395 pertsona daude lanik gabe Oiartzunen, tasa %7,4koa da. Horietatik 207 emakumeak dira (%8,0ko tasa) eta 188 gizonak (%6,9ko tasa).
2020ko otsailaren 29an, pandemia hasi aurretik, herrian 361 ziren lanik gabe zeudenak, %6,8ko tasa orokorrarekin. Horietatik 190 emakumeak ziren (%7,3ko tasa), eta 171 gizonak (%6,3).
Beraz, otsailetik abendu bukaerara 34 pertsonatan hazi da herriko langabeen kopurua.
Langabeen adinei erreparatuz gero, gehienak 45 urtetik gorakoak dira, kopuru osotik 196. Ondoren 25-44 adin tartekoen segmentua dago, 163 langaberekin. 25tik beherakoen artean 36 dira lanik gabe daudenak.
