Ingurumenaren aurkako proiektu erraldoien aurka azaldu dira herritarrak
U30 Aldaketaldia dinamikak deituta, egitasmo «suntsitzaileen» aurka elkarretaratu dira gaur eguerdian herritarrak Lezon, Oiartzunen eta Errenteria-Oreretan.
Protestak egin dituzte gaur eguerdian Oiartzunen, Lezon eta Errenteria-Oreretan U30 Aldaketaldia dinamikak deituta. Hamarnaka lagunek bat egin dute Oarsoaldeko egitasmo «suntsitzaileak» salatzeko deitutako protestekin. Klima aldaketaren aurka, ingurumena babestera eta sistema aldatzera deitu dute antolatzaileek.
Oarsoaldeko hainbat talde eta eragilek osatzen dute U30 Aldaketaldia iniziatiba. Asteartean egin zuten aurkezpen agerraldia, eta Eguzki, GOT, AHTrik EZ!, Ekologistak Martxan, Iztieta-Ondartxoko Gurekin auzo elkartea, eta Larreko Mahaia elkarteko ordezkariak izan ziren bertan. Salatutako proiektu erraldoien artean daude, besteak beste, Abiadura Handiko Trena (AHT), Amazonen Oiartzungo logistika gune berria, erraustegia, Zaldibarko zabortegia, Zaldunborda…
-
- U30 Aldaketaldiaren elkarretaratzea Errenteria-Oreretan.
-
- U30 Aldaketaldiaren elkarretaratzea Errenteria-Oreretan.
-
- U30 Aldaketaldiak deitutako protesta Oiartzunen.
-
- U30 Aldaketaldiak deitutako protesta Lezon.
