Gizon bat atxilotu dute Pasaian ustezko droga trafikoagatik
Bart gauean atzeman dute 44 urteko gizona, kotxe batean haxixa, kokaina, zortzi mugikor, 1.700 euro eta labana bat zituelarik.
Bart goizaldean 44 urteko gizon bat atxilotu du Ertzaintzak Pasaian, kotxe baten barruan 200 gramo haxix, 15 gramo kokaina, 8 telefono mugikor, labana bat eta 1.700 euro zituelarik.
Ohiko kontrol lanak egiten ari zen patruilak gizon bat hauteman du 1:00a aldera ibilgailuaren barnealdean, etxeratze ordutik kanpo, beraz. Akusatuak “konbentzitzeko moduko argudiorik” eman ez izanagatik kotxearen miaketari ekin diote agenteek, bertan topatuz aipaturiko objektuak.
Ertzainek gizonezkoa atxilotu dute ustezko droga trafiko delitua leporatuta; gaur goizean gelditu da kasua Donostiako Epaitegiaren esku.
