Mikel Arrieta euskal presoaren lagun batek istripua izan du
Kalte pertsonalik ez zuen jazo Arrietaren lagunak, eta taxian egin zuen espetxetik etxerako bueltako bidaia.
Sare Herritarrak urtarrilean deitutako euskal preso eta iheslarien aldeko manifestazioa Errenteria-Oreretan. Mikel Arrieta Llopis larri gaixo dagoen preso oreretarraren lagun batek istripua izan du, hura bisitatzetik bueltan zetorrenean etxerat euskal presoen senide eta lagunen elkarteak jakinarazi duenez. Larunbatean jazo zuen istripua Soriako espetxean —Euskal Herritik 240 kilometrora— bisita egin ostean.
Istripua N-111 errepideko 240 kilometroan izan zuen. Orein taldea atera zen bidera eta autoarekin kolpatu zituen; kolpearen ondorioz, autoaren aurreko kristala apurtu eta txapan hainbat kalte izan zituen. Kalte pertsonalik ez zuen jazo Arrietaren lagunak, eta taxian egin zuen espetxetik etxerako bueltako bidaia.
Honakoa, euskal presoen senide eta lagunek aurten izan duten lehen istripua izan da, baina ez asteburuan izandako gertaera bakarra dispertsio politikarekin lotuta. Aurken Sola euskal presoaren lagun batek ezustekoa izan zuen bisitarako bidean zihoala autoaren gurpiletako bat lehertu zenean. Ez zuen kalterik jazo baina bisita egiterik ez zuen izan, eta espetxera deituta, azken horrek, bisita atzeratzea onartu zuen.
Etxeratek enegarrenez eskatu du euskal presoak Euskal herriratzea: “Gerturatzen hasi badira ere, bisitak egiteko errepidera atera behar dute senide eta lagunek, eta arriskuak berdin mantentzen dira. Dispertsio politikak 400dik gora ezbehar eragin ditu martxan jarri zutenetik, eta hamasei senide eta lagun hil ditu
