50 urte alpargatak urratzen
Iraultzako historiaren parte izan direnei argazkiak eskatu dizkiete dantza taldearen gaineko erakusketa antolatzeko.
Iraultza Dantza Taldeak Urdiaingo Kantaia dantzatu eta abestuko dute ostiralean. Duela mende erdia hasi zuen Iraultza Dantza taldeak ibilbidea eta lehen urrats hartatik hamaika eman ditu euskal dantzak, baita euskal jantziak lehen lerroan jartzeko.
Aurten ere ez du ospakizunetarako aukerarik emango, ez merezitakoen tamainakoak egitekoak behintzat, COVID-19aren pandemiak. Iraultza Dantza Taldeak Kapitain Etxean maiatza eta ekaina artean zabalduko duen erakusketarekin egingo du ospakizuna. Horretarako, baina, laguntza eskatu die inoiz dantza taldearen historian parte izandako guztiei. Eskaera zehatza: argazkiak helaraztea, ahalik eta erakusketa handiena antolatzeko.
Argazkiak dituztenak posta elektronikora bidal ditzakete wetransfer bidez. Bilketa azken eguna apirilaren 11 izango da.
