COVID-19aren tasak: Pasaian behera, Oiartzunen berdin, eta Lezon nahiz Errenterian gora
Edonola ere, asteburutik astebururako alderaketa baikorra da: urtarrilaren 29tik 31ra 106 kutsatu izan ziren Oarsoaldean; otsailaren 5etik 7ra, 79.
Asteburuan COVID-19aren gaixotu direnen kopuruak, joan den asteburukoekin alderatuz, behera egin du Oarsoaldean. Hilaren 5etik 7ra 79 kutsatu gehiago atzeman dituzte eskualde osoan; joan den asteburuan (urtarrilaren 29tik 31ra) 106 izan ziren gaixotutakoak.
Tasari begiratuta, Pasaian apal baina jaitsi egin da osteguneko datuekin alderatzen badira. Oiartzunen kopurua berbera da. Lezon, ordea, gorantz joan da, Errenteria-Oreretan bezala. Denek jarraitzen dute COVID-19aren eremu gorrian.
Hilaren 5etik 7ra, hau da, asteburuan, 42 positibo gehiago atzeman dituzte Errenteria-Oreretan (11 ostiralean, hamabost larunbatean eta hamasei igandean); Pasaian hemezortzi izan dira hautemandakoak (hiru ostiralean, bederatzi larunbatean eta sei igandean); Lezon, launa kasu ostiraletik igandera (12 kutsatu denera), eta Oiartzunen zazpi egi gehiago: bina ostiral eta larunbatean, hiru atzo.
Gauzak horrela, ondokoak dira Oarsoaldeko herrietako tasak:
- Lezo: 1.184 (ostegunean 1.134).
- Pasaia: 603 (ostegunean 633).
- Errenteria-Orereta: 562 (ostegunean 535).
- Oiartzun: 520 (ostegunean 520).
Osasun Sailak datu horiek eta beste asko eman ditu gaur. Horien berri zehatz izateko sartu haien webgunean.
