EMKEko gazteek hasiko dute denboraldi berria
EMKE Errenteriako Musika Kultur Elkarteak hilaren 20an ekingo dio denboraldi berriari, eta horretarako Musika Bandako talentu gazteak igoko ditu Niessen Kulturguneko agertokira.
Koldo Mitxelenako jolastokian Musika Bandak emandako kontzertu bat. EMKE Errenteriako Musika Kultur Elkarteak hilaren 20an ekingo dio denboraldi berriari, eta horretarako Musika Bandako talentu gazteak igoko ditu Niessen Kulturguneko agertokira. Honakoak izango dira parte hartuko duten musikari gazteak: Aritz Segura flautista, Jon Viejo tronpetista, oihan Espina, clarinetista, Aitor Zorzano saxo jotzailea, Borja Rubiños eta Gonzalo Encinal pianistak, eta Jesus Marino bataria jotzailea. Lau ikuspegi ezberdin, lau proposamen musikal agertokian aurtengo denboraldiari hasiera emateko.
Kontzertu horrekin COVID-19ak markatutako denboraldi berria hasiko du musika bandak, “lehen hiruhilekoan behintzat ahalegin handia egin beharko dugu gure barne funtzionamendua egokitzeko, entseguak eta kontzertuak kokatzeko eta formatuak eta proposamenak egokitzeko”. Kasu batzuetan, “irudimen ariketa itzela” suposatzen ari zaiela denboraldiko helburu nagusiak aurrera ateratzea aitortu dute musika bandaren arduradunek, “kontzertuak antolatzen jarraitzeko, herritarrei kultura eskaintzeko ariketa handia egiten ari gara”. Argi esan dute, “Kulturak ezin du eten, kultura ezin dugu eten”.
Kontzertua doakoa izango da, baina egungo egoera soziosanitarioa dela eta, ezinbestekoa izango da doako gonbidapenak eskuratzea bertaratzeko. Horretarako, hilaren 12tik aurrera banatuko dituzte gonbidapen horiek Niessen Kulturguneko leihatilan.
Hitzordua hilaren 20an, larunbata, 18:30ean Niessen Kulturgunean.
