Pablo Haselen aldeko rapari oiartzuarrek ekarpena egin diote
Hainbat rapgileek indarrak batu dituzte, eta abestia sortu dute, katalanari elkartasuna adierazteko.
Pablo Haselen askatasuna aldarrikatzeko horma-irudia, Bartzelonan. 24 ordu baino gutxiago iraun zituen.
Pablo Hasel rapgile kataluniarra zigortu du, beste behin, Espainiako Auzitegi Nazionalak. “Terrorismoa goratzea” leporatu zioten, eta bederatzi hilabeteko kartzela zigorra ezarri. Gaur 20:00ak arte du espetxera joateko epe muga.
Haselek berak gaur goizean txio baten bidez esan duenez, espetxera eramateko “bahitu” egin beharko dute.
Ez da rap musikaria zigortzen duten lehenengo aldia. Aurretik ere ezarri diote delitu hori. Haselen askatasuna eskatzeko, hainbat musikarik indarrak batu dituzte, eta Hasel Aske kanta sortu dute. Oiartzuarrak daude egileen zerrendan.
Honako musikariek egin diote abestiari bere ekarpena: DeMono, Mora, Katu, T90, Amets, Ekhi, Geleaese, Karla, Rojo, Armen, Garaz, Musker, Odei eta Uwa.
