Trapujalek esandakoa bete du: udaletxeko balkoian dago
Inauteririk ez da Lezon. Baina jai aro horren espirituak ezin du desagertu. Horren jakitun da Trapujale. Udaletxeko balkoian dago jada.
Trapujale, herriko etxearen balkoian. Argazkia: David Perez. Aste honetan erabaki du Lezoko epaitegiak inauteriak bertan behera uztea. Erabaki horren harira, hainbat erreakzio izan ziren, tartean Trapujalerena. Esan zituenen artean, udaletxeko balkoian izango zela iragarri zuen. Esan eta bete. Bertan dago.
Osasun egoerak ez du ahalbidetu aurten inauteriak egitea. Edonola ere, Trapujalek balkoietako emaria elikatzeko intentzioa du, non eta herriko etxearen balkoian, udaletxean.
Alta, Zirikuen bisitarik ez da espero aurten. Antza, Trapujalek aurreko urteetan bezala ez du su-garretan bukatuko. Eta ohar bat: jarri balkoietan egunari dagokion oihala, zabaldu inauterien espiritua herriko balkoietatik.
