Mediterraneora bidean da 'Aita Mari' erreskate ontzia
Munduko itsasbide arriskutsuenean jitoan dauden bizitzak salbatzeko asmoz hasi du bidaia Almeriako Adra portutik. Barruan, hamahiru tripulatzaile.
![](https://oarsoaldea.hitza.eus/site/files/2021/02/aitamari.jpg)
Joan den aste amaieran ekin zion Itsas Salbamendu Maritimoak kudeatutako Aita Mari erreskate ontziak hurrengo laguntza humanitarioko misioari: Mediterraneoan jitoan dauden ontziak erreskatatzeko atera da Almeriako Adra portutik.
Pasaia etxe duen euskal atunontzi egokituak Libia eta Italia elkartzen dituen itsasbidea miatuko du, barruan hamahiru tripulatzaile dituela -marinel profesionalak eta boluntarioak, besteak beste-. Hala, urtero milaka pertsonen heriotza dakarren ibilbidera itxaropena eramango dute. Izan ere, hura zeharkatzen duen zortzitik batek, bizitza galtzen du bidean.