Pasaiako emakumeen zapia elkarlanean diseinatuko dute igandean
Emakumeen Mundu Martxaren V. Ekintzarekin bat eginez, zapi aldarrikatzailea egingo dute Antxoko Kultur Etxean, 12:00etan.
Pasaiako emakumeek bat egingo dute Emakumeen Mundu Martxaren V. Nazioarteko Ekintzarekin igande honetan. 
Pasaiako emakumeek bat egingo dute Emakumeen Mundu Martxaren V. Nazioarteko Ekintzarekin, elkarlanean herriaren adierazgarri izango den zapia diseinatuz. Saioa datorren igandean izango da, hilak 21, 12:00etan Antxoko Kultur Etxean.
Zapi aldarrikatzaileak Euskal Herri osoko emakumeek egingo dituzte euren herrietan. Ondoren, gilaren 20 tik eta 27ra bitartean jasoko dituzte, Euskal Herriko 27 eskualde igaroko dituen ibilbidea burutuz, azkenik horiek V. Ekintzaren amaierara eramateko. Pasaitarrena hilaren 26ean jasoko dute Errenteria-Oreretan.
Martxoaren 6ean, Irun eta Hendaia arteko mugan emango diote itxiera ekintza internazionalari. Bertan, emakume migratu eta arrazializatuen kolektiboez osatutako alternatiba feministen azoka izango dute, baita mugen eta transnazionalen aurkako adierazpen artistiko eta politiko feminista ere.
