Bazkide txartelak banatuko ditu Antxo AFk ostiralean
Taldekideak Gure Zumardian izango dira bihar 18:00etatik 20:00etara harpidetu nahi dutenei txartelak banatzeko: 20 euro banakakoa eta 50 familiakoa.
Antxoko Areto Futbol taldeak harpidetzak berrituko ditu bihar, ostirala, Gure Zumardian. Bertan izango dira taldekideak 18:00etatik 20:00etara bi motako bazkide txartelak banatzen: banakakoak 20 eurotan eta familiakoak 50 eurotan.
Bertaratu ezin dutenei taldeko edozein kiderekin harremanetan jartzea gomendatu diete, horien bitartez eskuratu ahal izateko abonuak. Eskerrak eman nahi izan dizkiete proiektua babesten duten guzti horiei.
