Datorren urtean itzuliko dira Asteme, Katuko eta Oilarqueen
Asteme, Katuko eta Oilarqueenek atzo bukatu zuten erronka.
Oilarqueen,Ion Collar, Katuko eta Asteme, erronka aurkezten. Asteme, Katuko eta Oilarqueenek atzo bukatu zuten erronka. Inauterietako hiru pertsonaiak herriko auzo guztietan ibili dira ezkutatuta azken hamar egunetan. Kultura Sailak eskerrak eman dizkie erronkarekin bat egin duten herritarrei, “auzo guztietakoak eta adin ezberdinetakoak izan dira erronka onartu duten herritarrak, asko eta asko”.
Erronkaren irabazleek mezua jasoko dute argazkiak bidali dituzten helbide elektroniko berean eta opariak non jaso behar dituzten azalduko diete bertan; jasotzeko, hamabost eguneko epea izango dute.
