Hainbat grafiti estali eta irisgarritasuna hobetzeko lanak egin ditu udalak
Trintxerpeko Musika Eskolako kanpoaldean zeuden hainbat pintaketa ezabatu eta Donibaneko Lezo-Bide kalean tratamendu irristagaitza egin dute.
![](https://oarsoaldea.hitza.eus/site/files/2021/02/musikaeskola.jpg)
Pasaiako alkate den Izaskun Gomezek iragarri du pasaitarren bizikidetza hobetzeko hainbat ekintza burutu dituela udalak azken astean.
Trintxerpeko Musika Eskolaren fatxadako hainbat pintaketa ezabatu dituzte; Gomezek gogora ekarri du horiek sor ditzaketen kalteak: “Guztion interesen aurka doaz eta horien garbiketa pasaitar guztien artean ordaintzen dugu”.
Bestalde, Donibaneko Lezo-Bide kalean tratamendu irristagaitza egin dute udaleko langileek azken egunetan. Horrekin, bereziki aldapatsua den bidearen irisgarritasunak hobera egingo duela sinetsita dago alkatea.