Oiartzun KEko mutilen hondamendia Lesakan; nesken puntu polita
Oiartzuarrak aurreratu ziren markagailuan, baina zazpi gol jaso zituzten kontran. Nesken talde nagusiak puntu on bat lortu zuen Getxon.
Neskek Bizkerreren kontra berdindu zuten.
Hondamendia zer den ezagutu zuen atzo Oiartzun Kirol Elkartearen mutilen taldeak. Sailkapeneko lehen postuan zeuden, atzora arte, oiartzuarrak. Beti Gazteren zelaira ere indartsu atera ziren, eta markagailuan aurreratzea lortu zuten. Baina hor bukatu zen dena.
Lesakako taldea haize erauntsia izan zen. Oiartzuarrek aurrean, atzean, erdian zein ezker-eskuin huts egin zuten, lesakarrek egin ez zutena. Zazpi gol jaso zituzten. Aitzakiarik gabeko porrota, beraz. Orain bi taldeek partekatzen dute sailkapeneko lehen postua:
Nesken taldeek, berriz, Bizkerreren kontra jokatu zuten. Emakumeen talde nagusiak puntu polita lortu zuten etxean. Zelai erdiko joko asko egon zen partida bigarren zatian ebatzi zen. Getxotarrak aurreratu ziren, eta Iraide Pejenautek lortu zuen oiartzuarren gola.
Euskal Ligako taldeak, berriz, Algortan jokatu zuen, eta ez zuen emaitza onik atera. 5-2 galdu zuten; Irene Martin eta Amaia Agirre izan ziren golegileak.
