Topoa lurperatzearen lanketarako lan mahaia eratzeko eskatu du PSE-EEk
Azken udalbatzak aho batez egin zuen bere topoa lurperatzearen aldeko proiektua babestea.
Galtzarabordako topo geltokia. Argazkia: PSE-EE Errenterian topoa lurperatzearen aldeko lanketa egiteko, Eusko Jaurlaritza eta Errenteriako Udala elkarlanean jarriko dituen lan mahaia eratzeko eskatu du Isaac Palencia PSE-EEko bozeramaileak. Azken udalbatzarrak erakutsi bezala, ordezkaritza duten alderdi politiko guztiek aho batez erakutsi zutela topoa lurperatzearen aldeko apustua esan du Palenciak, “horregatik garrantzitsua da instituzio arteko lan mahaia eratzea, urratsak egiteko”.
Proiektu hori “utziezina” dela erantsi du Palenciak, “inolako inpakturik gabe integratzen duelako topoa gure udalerrian bizilagunen bizi kalitatea hobetzeko. 2016tik baina, gobernu taldeak gaia kudeatzeko ezintasuna erakutsi du, ez duelako ordutik pausurik eman proiektuaren inguruan”. (Esteka honetan, 2016ko urriko udalbatzaren akta. Laugarren puntuan EH Bildu eta Errenteria Irabaziz alderdiek mozioa aurkeztu zuten topoa lurperatzearen inguruan; EAJ eta PSE-EE-k erdibideko zuzenketa proposatu zuten).
