Antxo AF-k igoera fasean sartzea izango du jokoan larunbatean
Areto futboleko gizonek -eta euren lehiakideek- asteburu honetan egindako jardunaldien baitan egongo da antxotarren igoerarako aukera.
Antxoko areto futbolak asko du jokoan asteburu honetan. 
Pasaian lehian ari diren bi futbol taldeek faseko azken jardunaldia besterik ez dute aurretik lehen aroa amaitzeko. Asko dute jokoan, izan ere, sailkapenean lortzen duten postuaren araberakoa izango da igoera fasera sartzea eta, beraz, liga amaitzean mailaz igotzeko aukera.
Alberto Ferreresen areto futboleko gizonak euren multzoko bosgarren postuan daude orain, baina puntu bakarrak besterik ez ditu aldentzen laugarren postutik; hori dute jomuga igoera fasean sartzeko.
Hirugarren eta laugarren postuan daudenek irabaziko balute, ez lukete aukerarik izango antxotarrek. Hori euren esku ez badago ere, haien baitakoa da onena ematea Gernikako Lagunen aurka azken horien etxean, larunbatean 17:00etan.
Pasaia K.E.-ren jomuga beste bat izango da: multzoko lehen postua eskuratzea. Asteburu honetan atsedena izango dute, baina faseko azken partida hurrengoan jokatuko dute, Anaitasunaren kontra.
Pasaiako gainontzeko kirolariek lehiari berrekingo diotela iragarri dute, baina oraindik ez dago data ofizialik.
