Nesken bigarren taldeak eskuratu ditu asteburuko puntu bakarrak
Gizonen zein nesken talde nagusiek Karla Lekuonan jokatutako partidak galdu dituzte. Euskal Ligakoak, Bizkaian garaile.
Oiartzungo bigarren taldearen artxiboko argazkia. Oiartzun Kirol Elkarteko bi talde nagusiek etxean galdu dute asteburuan. Emakumeen kasuan, gol bakarreko aldeagatik galdu zuten, modu krudelean.
Oiartzun eta Tolosaren arteko neurketa oso parekatua izan zen, bai lehen zatian baita bigarreanean ere. Bigarren zatia ere bide beretik joan zen, baina azkeneko minutuetan oiartzuarren huts egite batek gola eta garaipena eskuratzea ahalbidetu zien bisitariei.
Mutilen kasuan, berriz, porrot gogorrak utzitako sentsazioei buelta eman nahi zien. Itxura hobea eman zuten, nahiz eta berriro galdu zuten. Hernaniarrak hobeto hasi ziren, eta horrela heldu zen beraien gola. Oiartzuarrak hobeto atera ziren atsedenaldiaren ondoren, eta jokoa orekatu zuten. Hala ere, kanpokoek bigarren gola sartu zuten partida bukatzeko minutu gutxi falta zirela.
Oiartzuarren ohorea salbatu zutenak Emakumeen Euskal Ligakoak izan ziren. Barakaldoren zelaian lortu zuten garaipena.
Bestalde, klubeko behe mailetako taldeak datorren asteburuan bueltatuko dira lehiara.
