'Ausartak ez, askeak baizik' lelopean egin dute lehenengo MoreretaOn
MoreretaOn iniziatiba antolatu du lehenengoz aurten, Orereta Ikastolak. Orereta Ikastolak berak, Oiartzo ikastolak, hainbat eragile, udal ordezkari, langile eta gurasoek hartu dute parte. Martxoaren 8aren harira egin zuten atzo.
MoreretaOn iniziatiba egin du lehen aldiz Orereta Ikastolak. Argazkia: Orereta Ikastola MoreretaOn iniziatiba antolatu du lehenengoz aurten, Orereta Ikastolak. Orereta Ikastolak berak, Oiartzo ikastolak, hainbat eragile, udal ordezkari, langile eta gurasoek hartu dute parte. Martxoaren 8aren harira egin zuten atzo. Bi ikaslek eta ama eta irakasle banak eman zioten hasiera 08:00etan. Nerea Labacens irakasleak eta Eibar SD taldeko jokalariak, egungo sistema arrakalatu eta pertsona guztientzat eskubide berak aldarrikatu zituen korrikaldiari ekin aurretik.
Batxiler eta DBHko ikasleek zein irakasleek goizean egin zuten korrikaldia, langileek eguerdian eta LHko taldeek arratsaldean. HHko ikasle eta irakasleak herrian zehar aritu ziren.
Udaleko ordezkari Itziar Ostolaza Berdintasun eta Hezkuntza zinegotzia eta Leti Bermejo Berdintasun teknikaria aritu ziren, eta Asun Casasola, Nagore Lafaggeren ama ere bertan izan zen korrika egiten. Touring, Oarsotri, Hibaika, Ereintza, eta Urdaburu mendizale elkarteak ere ez zuten hutsik egin.
Iniziatibaren leloa, Asun Casasola ipuin lehiaketaren bera izan da, “geure egin dugu gure atxikimendua erakutsi nahi izan diogulako”.
Orereta Ikastolak eskerrak eman dizkie iniziatiban parte hartu dutenei, “Martxoaren 8a herrikideekin ospatu ahal izateagatik”.
