'Bilguneak' pasaitarrak hartuko ditu hilabete honetan zehar
Pasaiako EH Bilduk 'Arreta Gunea' izeneko egitasmoa jarriko du martxan hilabete honetan zehar. Larunbatean bizilagunekin batzarra egingo dute bilkideek.
Bilera telematikoa 10:30ean hasiko da, datorren larunbatean. 
EH Bilduk iragarri du Antxoko Nafarroa Etorbidea 25. zenbakian duten Bilgunea asteazkenero egongo dela zabalik 16:00etatik 20:00ak arte, hilaren 10ean hasi -bihar, asteazkena- eta martxoaren azken egunera arte. Horrez gain, gogora ekarri dute datorren larunbatean, hilak 13, herri batzarra egingo dutela telematikoki.
Bulegoaren xedea, besteak beste, inork eduki litzakeen zalantzak argitu eta pasaitarrei laguntza eskaintzea izango da. Hainbat dokumentu eskuratzeko aukera ere eskainiko dute, eta baita bilkidetzeko (afiliatzeko) zerbitzua ere. Bizilagunei gonbidapen zabala egin diete zinegotziek Bilguneko atea jotzeko: “Ateak parez pare egongo baitira irekita”. Horrez gain, jakinarazi dute WhatsApp bidezko arreta zerbitzua ere martxan dutela 636 46 27 98 telefono zenbakiaren bidez.
Bilkura telematikoari dagokionez, 10:30ean hasiko da batzarra larunbatean; EH Bilduko zuzendari nagusi Gari Mujika izango da gonbidatu gisa, eta herriko taldearen planak eta eginkizunak jorratzeaz gain, taldearen kongresu prozesuko ponentziak ere aztertuko dituzte. Parte hartzeko izena ematea beharrezkoa, esteka honen bidez.
