Pasaiako emakume artistek erakusketa eskainiko dute
Datorren ostiraletik igandera arte Trintxerpeko Alkateordetzan izango da ikusgai, eta hurrengo asteburuan Donibaneko Arrantzaleen Kofradian.
Mari Luz Etxanizen obra hau ikusgai egongo da.
Emakumeen Nazioarteko Egunaren baitan hainbat ekintza antolatu ditu Pasaiako Mugimendu Feministak. Horien artean, udalerriko emakume artistek erakusketa eskainiko dute datozen bi asteburuetan, Trintxerpe eta Donibanen.
Asteburu honetan, ostiraletik igandera (hilaren 12, 13 eta 14ean), Trintxerpeko Alkateordetzan egongo dira obrak ikusgai honako ordutegi honetan:
- Ostiralean 18:00etatik 20:00ak arte.
- Larunbat eta igandean 11:30etik 13:30a arte, eta 18:00etatik 20:00ak arte.
Hurrengo asteburuan (hilaren 19, 20 eta 21ean) erakusketa Donibaneko Arrantzaleen Kofradiara (Donibane kalea 97) lekualdatuko dute, eta honako ordu tarte hauetan bisitatu ahalko da:
- Ostiral eta larunbatean 11:30etik 13:30a arte, eta 18:00etatik 20:00ak arte.
- Igandean 11:30etik 13:30a arte.
