Perigallo Teatrok 'La Mudanza' komedia eskainiko du datorren astean
Hilaren 21ean izango dira antzezlariak Juanba Berasategiko oholtzan. Sarrerak hamar eurogatik eros daitezke online edo leihatilan egunean bertan.
Komediak bi bikoteren etxe aldaketa du abiapuntu. 
Perigallo Teatro taldeak La mudanza antzezlana eskainiko du hilaren 21ean -igandea- Donibaneko Juanba Berasategi aretoan, 19:00etan hasita. Sarrerak aurretik eros ditzakete interesdunek hamar eurogatik hemen klik eginez, edota leihatilan egunean bertan, saioa hasi eta ordubete lehenagotik.
Honakoa da obraren sinopsia: Bi bikotek etxea utzi behar dute: Pacok eta Emiliak 2011n, eta Mari Carmenek eta Emiliok 1961ean. Bi etxe-aldaketa, 50 urteko aldearekin. Pertsonaiak, etxez ez ezik, bizitza-ikuspegiz ere aldatzera behartzen dituen komedia bat. Gizakiak bere nortasuna zigilatzeko nola gauzei eta oroitzapenei heldu behar dien aztertzen du La Mudanza antzezlanak. Aldaketa hurbiltzen eta segurtasuna kolokan jartzen denean gizonari sortzen zaion ahuleziara hurbiltzen gaitu. Botila erdi beterik ikustera gonbidatzen gaitu… baita botilarik ez dagoenean ere.
Antzezlanari buruzko bideo labur bat ikus daiteke esteka honen bitartez.
