Asistentzia lanen sozializazioa hizpide, Itaia eta gazte asanbladaren eskutik
Emakume langileon ardura izatetik, asistentzia lanen sozializaziora lelopean hitzaldia antolatu dute bihar Oreretako gaztetxean, Oarsoaldeko Itaiak eta Oreretako Gazte Asanbladak elkarlanean Martxoaren 8aren karietara. 17:00etan izango da.
Emakume langileon ardura izatetik, asistentzia lanen sozializaziora lelopean hitzaldia antolatu dute bihar Oreretako gaztetxean, Oarsoaldeko Itaiak eta Oreretako Gazte Asanbladak elkarlanean Martxoaren 8aren karietara. 17:00etan izango da.
Ezinbestekoa da Itaiaren esanetan emakume langileen gainean jartzea begirada eta errealitate soziala ezagutzeaz gain, haien bizi eta lan baldintzei so egitea, “bereziki lan asistentzialei, emakume langileon zama izatetik, haien kudeaketa sozializaturako bidean”.
Emakumeen lana, lan harreman “penagarriek” eta familiako lan kargek definitzen dutela oraindik dio, eta horri krisiaren ondorio den bizi baldintzen okertzea ere gehitu beharra dagoela nabarmendu du. Egoera hori izanik, “premiazkoa” iritzi dio, emakume langileen interesak oinarri hartuko dituen proposamenak garatzeari. Horretarako, emakume langileak aktibo militante bilakatu behar direla uste du, “subjektu iraultzailearen oinarrizko parte gisara, eta beraz, berebiziko garrantzia du zapalkuntza mantentzen duen lege burgesaren zein haren borondatea adierazten duten agenteen aurkako borrokak”.
Lanean jarraitzeko asmoa azaldu du amaitzeko Itaiak, “emakume langileon arteko elkartasuna eraikitzeko, bizi eta lan baldintzak hobetzeko. Horretarako gaitasun politikoak garatu behar dira antolakuntza komunistaren barruan txertatzeko”.
Horretaz guztiaz mintzatuko dira biharko antolatu duten hitzaldian.
