Oiartzunek Jon Goikoetxearen bi golekin azpiratu du Real Union
Partidaren bukaeran lortu dute garaipena eman dien gola, irundarren defentsa gogorra zartatu ondoren. Talde gehienak hasi dira lehian.
Oiartzun Kirol Elkarteko mutilen partida baten artxiboko irudia.
Oiartzungo senior kategoriako talde guztiak martxan jarri diren asteburua izan da pasa berri dena, nahiz eta batzuek ez zuten jokatu.
Oiartzungo mutilek aurreko bi asteburutan lortu ez zuten garaipena eskuratu zuten larunbat arratsaldean, Karla Lekuonan. Irabazteko gosez zelairatu ziren talde urdinekoak, Real Union Bren kontra, eta 4. minutuan aurreratu ziren markagailuan, Jon Goikoetxearen bitartez.
Golaren ondoren, irundarrak estutzen hasi ziren, bere jokalarien altuera aprobetxatu nahian. Atsedenaldia baino zertxobait lehenago lortu zuten partida berdintzea.
Bigarren zatian, oiartzuarrak beren jokoa ezarri zuten, baina uniondarren harresiarekin topo egiten zuten behin eta berriro. Salbuespen batekin: partida bukatzear zegoela, Goikoetxeak —berriro— sartu zuen gola, eta puntuak Ugaldetxoan geratu ziren.
FUTBOLA
Emakumeen Lehen Nazional Maila
- Oiartzunek atsedena izan du asteburuan.
Gizonezkoen Ohorezko Erregional Maila
- Oiartzun – Real Union: 2-1.
Emakumeen Euskal Liga
- Zarautz – Oiartzun: 1-0.
Emakumeen Ohorezko Erregional Maila
- Mariño – Intxaurdi Oiartzun: 6-1.
Gizonezkoen Erregional PreferenteMaila
- Sanpedrotarra — Oiartzun: 3-1.
Emakumeen Gorengo Maila
- Intxaurdi – Oiartzun: 1-1.
ARETO FUTBOLA
Udaberriko txapelketa
- Oiartzun KE – Bar Cachon Errotaburu: 4-0.
- Antiguoko Fontaneria Iribarren – Miren Taberna OKE: 1-4.
SASKIBALOIA
Gipuzkoako Bigarren Maila
- Oiartzungo Saskilagunek ez dira lehenengo jardunaldian aritu.
