Hibaikak eta Berri Motorrek lau gurpil gaineko hitzarmena sinatu dute
Hitzarmenaren harira, furgoneta berria jarri du kontzesionarioak arraun elkartearen eskutan, eta atzo egin zuten giltza emate ekitaldia Berri Motorren Oiartzungo egoitzaren aurrean.
Furgoneta jasotzeko unea. Argazkia: Hibaika Arraun Elkartea Hibaika Arraun Elkarteak eta Oiartzungo Berri Motor kontzesionarioak hitzarmena egin dute aurtengo denboraldirako. Horren harira, furgoneta berria jarri du kontzesionarioak arraun elkartearen eskutan, eta atzo egin zuten giltza emate ekitaldia Berri Motorren Oiartzungo egoitzaren aurrean.
Jon Otegi Hibaika Arraun Elkartearen presidentearen hitzetan, hitzarmenarekin, lurreko azpiegitura indartu egingo du klubak, “gure kirol jarduna hobetuko du zalantzarik gabe”.
Furgoneta berria du Hibaikak. Argazkia: Hibaika Arraun Elkartea
Hibaika bezalako klubek laguntza oro eskertzen dutela erantsi zuen presidenteak, “laguntza guztiak dira ongi etorriak; bihotzez eskertzen dugu Berri Motorrek gurekin izan duen adeitasuna eta eskuzabaltasuna”.
Beste aldea ere pozik akordioarekin. Berri Motorreko arduradunak zehaztu zuen beren irudia zabaltzeko balioko duela, “gure irudia ezagutaraziko du jende artean, beti ere elkarlanean eta bakoitzak bere onena emanez”.
Nahiz eta hitzarmena aurtengo denboraldirako egin duten, aurrerantzean elkarrekin aritzeko aukerari ez diote aterik itxi.
