Orain Herriak 'Pasaiako auzia' aztertu du, barrutiz barruti
Udalaren kudeaketarako ezgaitasuna agerikoa dela iritzi diote eta barruti bakoitzaren gabeziekin zerrenda osatu dute; zikinkeria eta aparkalekua aipatu dituzte.
Barruti guztietan eman dute auziaren berri kartelen bitartez. 
Orain Herria taldeak Pasaiako auzia izenpean ezagutzera eman duen azterlana argitaratu du. Horren baitan, udalerria osatzen duten lau barrutietako bakoitzak dituen gabeziak agerian jarri eta udalaren “ezgaitasuna” salatu dute.
Barrutikako zerrenda osatzeaz gain, honako arazo hauek identifikatu dituzte lauek partekatzen dituztenak: zaindu gabeko eremuak, gazteentzako guneen beharra, Udaltzaingoen bulegoen beharra eta aparkatzeko arazoak.
“Udal federalismoak” funtzionatzen ez duela argi dute taldekideek, bistakoa baita, haien arabera, Pasaiako Udalak lau barrutiei “kudeaketa, koordinazio eta zerbitzu egoki bat eskaintzeko ezgaitasuna”. Herria gobernatzeko erakunde bakarra egoteak barruti bakoitzean eragin eta eragiten dituen kalteak zerrendatu dituzte:
- Donibane
- Gehiegizko turismoa udaran.
- Alabortzako desastrea. Udalak boluntarioen bidez garbitzen du aurpegia.
- Zuntz optikoaren beharra.
- Turistikoak ez diren guneen zaintza eza (zikinkeria, bazterkeria…).
- Gazteriarentzako espazio baten falta.
- Udaltzaingoen garita baten falta.
- Aparkalekuarekin erlazionatutako arazoak, bertakoentzako gunearen beharra.
- Trintxerpe
- Segurtasun eza.
- Pobrezia.
- Zaindu gabeko eremuak.
- Gazteriarentzako espazio baten beharra.
- Aparkalekuarekin erlazionatutako arazoak.
- San Pedro
- Puntetako bidearen itxiera.
- Lonja.
- Frontoi atzeko gunea. Proisa.
- Zuntz optikoaren beharra.
- Zaindu gabeko eremuak (zikinkeria, utzikeria…).
- Gazteriarentzako eremu baten beharra.
- Udaltzaingoaren bulego baten beharra.
- Aparkalekuarekin erlazionatutako arazoak.
- Antxo
- Segurtasun eza.
- Arratoiak.
- Balizko behin behineko anbulatorioa.
- Pobrezia.
- Zaindu gabeko espazioak (zikinkeria, bazterkeria…).
- Gazteriarentzako eremu baten beharra.
- Udaltzaingoaren bulego baten beharra.
- Aparkalekuarekin erlazionatutako arazoak.
